БИШКЕК, 2-окт. — Sputnik. Борбор калаада №212 каттамдагы маршрутка эки жеңил унаа менен кагышып, 11 адам жаракат алды. Бул туурасында Бишкек ШИИБдин Кайгуул милиция башкармалыгынын маалымат кызматы Sputnik Кыргызстан агенттигине билдирди.
Кырсык ишемби күнү болжол менен саат 17.30дар чамасында катталган.
Машрутканын 27 жаштагы айдоочу Карасаев көчөсү менен бара жаткан. Ал Элебесов көчөсү менен кесилишкен жерде Honda Fit (рулда 22 жаштагы кыз) жана Toyota ist (айдоочусу 35 жаштагы эркек киши) унаалары менен сүзүшкөн.
Кырсыктын кеспетинен 11 адам ар кандай жаракат алган. Жабыркагандар ооруканага жеткрилген.
Аталган факты боюнча экспертиза дайындалып, тергөө иштери жүрүп жатат.
