БИШКЕК, 29-сен. — Sputnik. АКШ президенти Дональд Трамптын администрациясы конгресске 2018-финансылык жылда 45 миңге чейин гана качкындарды кабыл алууну сунуштады. Бул туурасында аталган администрациянын өкүлү билдиргендигин РИА Новости жазды.
2018-финансылык жыл быйылкы жылдын 1-октябрынан тарта башталат.
Ак үй өкүлүнүн айтымында, качкындар Африкадан (19 миң), Чыгыш Азиядан (5 миң), Европа жана Борбор Азиядан (эки миң), Латын Америкасы менен Кариб бассейниндеги өлкөлөрдөн (1,5 миң) жана Түштүк Азия менен Жакынкы Чыгыштан 17 миң качкын киргизилмекчи.
Аткаминер администрация үчүн башкысы "америкалык жарандардын коопсуздугу" экендигин кошумчалады. Андан сырткары, АКШ ким "расасы, этникалык теги, саясий көз карашы, улуту, дини, жынысы жагынан куугунтукка алынса аны коргоону" сунуштаган.
