БИШКЕК, 22-сен. — Sputnik. Москвадан Бишкекке үч күндүн ичинде автобус менен келүүгө болот. Бул тууралуу Мосгортранс ишканасынын сайтында маалымдалды.
Эки шаар ортосундагы каттам 29-сентябрдан тарта ишке кирет. Автобусттар жумасына эки жолу — дүйшөмбү жана жума күндөрү саат 21:00дө "Түштүк дарбаза" эл аралык автовокзалынан кетип турат.
Орто эсеп менен сапар 72 саатты алат.
Жол кире чоңдор үчүн 4 800 рубль, ал эми 12 жашка чейинки балдарга 2 400 рублди түзөт.
"Түштүк дарбаза" эл аралык автовокзалы МКАД, 19-чакырым дарегинде жайгашкан.
Билеттерди автостанциянын кассаларынан же www.av.mos.ru сайты аркылуу сатып алууга болот.
Бишкектеги Батыш автовокзалынын диспетчердик кызматы Бишкек — Москва автобус каттамы 10 жылдан бери иштеп келе жатканын маалымдашты.
