Кадырбеков: мектепти таштап акча табасың, бирок чоң адам боло албайсың
Мектепти таштап акча табасың, бирок чоң адам боло албайсың. Бул тууралуу "Ыйман" фондусунун жетекчиси Нуржигит Кадырбеков Sputnik Кыргызстан радиосуна маек куруп жатып билдирди.
Анын айтымында, өмүрдүн пайдубалын мектепте бекем кылып түптөө керек.
"Ар нерсе өз убагында болушу керек. Мектептеги жылдар бүт өмүрдү куруу үчүн керек. Ошондуктан мектепте окууну биринчи орунга коюу туура. Айрымдар иш деп толук окубай жатышат. Акча табасың, бирок чоң адам боло албайсың. Алып сатарлык — бизнес эмес", — деди Кадырбеков.
Ал ийгилик жаратуу үчүн көбүрөөк китеп окуу керек экендигин кошумчалады.
