Курбанов: кыргыз тилинде башкалар суктана тургандай сүйлөйлү

Кыргыз тилинде башкалар суктана тургандай сүйлөө зарыл. Бул тууралуу "Кыргыз тили" коомунун президенти Раимжан Курбанов Sputnik Кыргызстан радиосуна маек куруп жатып билдирди.

Анын айтымында, чет тилин билген жакшы, бирок эне тилди да мыкты билүү керек.

"Көп тил билген жакшы. Канча тил үйрөнсөң ошончо канат бүтөт. Бирок, биринчи кезекте эне тилди мыкты билүү керек. Кыргыз тилинде башкалар суктанып, кызыга тургандай сүйлөө зарыл. Уккулуктуу, жагымдуу, көркөмдүү, таасирдүү анан жеткиликтүү сүйлөйлү", — деди Курбанов.

Ал диалектиде сүйлөө жаман эместигин айтып, бирок адабий тил болсо дурус болоорун кошумчалады.