БИШКЕК, 20-сен. – Sputnik. Куткаруучулар Эльбрус чокусунан мындан 10 жыл аралыгында каза тапкан альпинисттердин сөөгүн табышты. Бул туурасында РИА Новости Россиянын ӨКМине таянып кабарлады.
"Өткөн бешинчи күндөн бери биздин министрликтин куткаруу кызматы болжол менен мындан 10 жыл аралыгында каза тапкан алты альпинисттин сөөгүн алып чыкты. Алардын үчөөнү чокунун Батыш жагында, 5500 метр бийиктиктен табышты", — деп Россиянын ӨКМинин Эльбрус боюнча издеп-куткаруу отрядынын жетекчиси Абдуллах Гулиев билдирди.
Анын айтымында, алардын арасында бир аялдын сөөгү табылган.
"Сөөктөр муз эригенден кийин чыгып калган. Бул аймакта август менен сентябрь жылуу болду", — деп кошумчалаган ал.
Куткаруучу азырынча алардын ким экендиги тактала электигин, бул иштер менен Тергөө комитети иш алып барарын айтты.
Маалыматтарга караганда, аял киши Санкт-Петербург шаарынан болушу мүмкүн. Ал Эльбруста 90-жылдардын башында жоголгон экен.
