БИШКЕК, 4-сент. — Sputnik. Военно-Антоновка айылындагы Фрунзе көчөсүндө жүргүнчү ташыган маршрутка жолдон оодарылып калганын күбө Sputnik Кыргызстан агенттигинин WhatsApp номери аркылуу билдирди.
Военно-Антоновка айылындагы Фрунзе көчөсүндө жүргүнчү ташыган маршрутка жолдон оодарылып калган
© © фото очевидца, отправленное по Whats App-каналу
Анын айтымында, жол кырсыгы 4-сентябрда саат 11:20лар чамасында болгон.
Чүй облустук ИИББдин кайгуул милициясы жол кырсыгы болгонун тастыктап, каза болгондор жок экенин маалымдады. Ал эми жабыркаган үч киши аймактык ооруканага жеткирилген.
"Алдын ала маалымат боюнча BMW үлгүсүндөгү жеңил автоунаа катуу ылдамдыкта келе жатып, маршрутканы артынан сүзгөндө ал оодарылып кеткен", — деп милициядан билдиришти.
Милиция окуянын чоо-жайын тактап, тергөө амалдары жүрүүдө.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
