БИШКЕК, 25-авг. — Sputnik. Жалал-Абаддын активист жаштары шайлоо маалында добуш сатууга каршы акция өткөрүштү. Бул тууралуу аймактык кабарчыга уюштуруучулардын бири Келдибек Жээнбеков билдирди.
Акцию против продажи голосов в Джалал-Абаде
© © Sputnik
Маалыматка ылайык, иш-чарага катышкан жаштар арасында юристтер, жергиликтүү кеңештин депутаттары жана активисттер бар.
"Бүгүн алгачкы ирет чогулуп, акция өткөрдүк. Буюрса катарыбызды калыңдатып, көптөгөн иш-чараларды уюштурууну пландап жатабыз. Шайлоодо добушту сатпоого үндөгөн акциялар уланат", — деди Жээнбеков.
Анын айтымында, жаштар биригип, бийликке сын айтуунун ордуна маселенин чечүү жолдорун сунушташат.
