Кыргызстанда мас абалында унаа айдагандарга жаза күчөтүлөт

© Sputnik / Табылды КадырбековКолунда арак кармаган айдоочу. Архив
Колунда арак кармаган айдоочу. Архив - Sputnik Кыргызстан
Жазылуу
Демилгенин максаты — кодексте каралган беренени оор кылмыштардын катарына кошуу

БИШКЕК, 24-авг. — Sputnik. Кыргызстанда мас абалында унаа айдагандарга жаза күчөтүлөт. Аталган норманы камтыган мыйзам долбоорун Ички иштер министрлиги (ИИМ) сунуштап, ал коомдук талкууга коюлду.

Чүй облусунун Сокулук районундагы Төмөнкү Чүй айылында айдоочу үч аялды жана велосипед тээп бараткан баланы коюп кетти - Sputnik Кыргызстан
Сокулукта айдоочу бир бала, үч аялдын өмүрүнө забын болду. Кырсыктын сүрөттөрү
"Өлкөдө өлүм менен коштолгон жол кырсыктары байма-бай катталып, алардын кесепетинен бир канча адам набыт болууда. Анткен менен айрым айдоочулар жоопкерчиликти сезе бербейт. Андыктан жол эрежесин бузуу чоң кылмыш экенин сездиргибиз келет", — деп жазылат маалыматта.

Кылмыш жаза кодексиндеги 281-беренеге ылайык, өлүм менен коштолгон жол кырсыгына себепкер айдоочу 10 жылга эркинен ажыратылат. Бирок бул кылмыш анча оор эмес болуп саналат.

"Бул норма күнөөлүүлөрдү айыпка тартууда тоскоолдук жаратып, баш коргоо чарасын кароодо жеңил жаза алуусун шарттайт", — деп түшүндүрөт ИИМ.

Ушундан улам аталган беренени оор кылмыштардын катарына кошуу сунушталууда.

ИИМдин билдиришинче, үстүбүздөгү жылдын алты айында жол кырсыгы тууралуу 2 583 билдирүү түшүп, алардын жети пайызына гана кылмыш иши козголгон.

Жаңылыктар түрмөгү
0