БИШКЕК, 17-авг. — Sputnik. Жалал-Абад мамлекеттик университетинде так илимдер багытындагы бюджеттик орундар бош калды. Бул тууралуу аталган окуу жайдын кабыл алуу комиссиясынын катчысы Жакып Шамиев билдирди.
Анын айтымында, атайын каралган 232 бюджеттик орунга 172 гана абитуриент тапшырган.
"Быйылкы окуу жылында педогогикалык багыттарга бюджеттик орундар толуп бүттү. Ал эми информатика, физика, математика, инженерия жана энергетика адистиктери боюнча бюджеттик орундар толгон жок. Кабыл алуу токтотулду. Ал эми келишимдик негиздеги адистиктерге кабыл алуу 25-августка чейин созулат", — деди Шамиев.
Ал ушундай эле себеп менен быйылкы окуу жылында ветеринария адистиги жоюлганын кошумчалады.
