БИШКЕК, 17-авг. — Sputnik. Forbes журналынын версиясы боюнча "Ла-ла ленд" фильми үчүн "Оскар" сыйлыгына татыган америкалык Эмма Стоун 2017-жылы дүйнөдөгү эң көп акча тапкан актриса деп табылды. Анын бир жылдык кирешеси 26 миллион долларга жеткен. Бул тууралуу РИА Новости жазып чыкты
Рейтингде экинчи орунду "Достор" телесериалында роль жараткан америкалык Женнифер Энистон ээлеген. Ал бир жылдын ичинде 25,5 миллион доллар кирешени "Сары чымчыктар" деп аталган согуштук драмага тартылуудан алган. Ал эми үчүнчү сапка "Катаал оюндар" тасмасында баш каармандын ролун аткарган актриса Женнифер Лоуренс чыккан. Анын узаган жылдагы кирешеси 24 миллион долларды чапчыган.
Ал эми дүйнөдөгү эң көп акча тапкандардын алдыңкы бештигине жылдык кирешеси 18 миллион доллар болгон Мелисса Маккарти жана жылына 15,5 миллион доллар тапкан голливуд актрисасы Мила Кунис кирген.
