БИШКЕК, 4-авг. – Sputnik. Кытайдын борборундагы "Дунчжимэнь" станциясында эл бейшемби күнү кечинде топтолуп поездди козголтуп, платформа менен вагодун ортосунда калган кишини сууруп чыкты. Бул туурасында РИА Новости жазды.
Окуя кечки саат сегиздер чамасында болгон. Станцияда киши кулап кетип платформа менен поезддин ортосунда калган. Кызматкерлер чуркап келгени менен жардам бере алган эмес. Айланада тургандардын биргелешкен аракети менен гана киши аман калган.
Видеодо чогулган эл коопсуздук кызматынын өкүлүнүн көрсөтмөсү менен ийиндешип, вагонду түртүп жаткандыгын көрүүгө болот. Бир мүнөткө жетпей кыпчылып калган кишини сууруп чыгышканда, тургандар кубана кыйыкырып, кол чаап жиберишкен.
