БИШКЕК, 3-авг. — Sputnik. Ысык-Көл ОИИБинин маалымат кызматы өзбекстандык бийчилер жабыркаган жол кырсыгынын чоо-жайын айтып берди.
Бүгүн Бишкек — Балыкчы жолунда чакан автобус менен жеңил унаа кагышып, 10 адам ар кандай жаракаттарды алган.
3 Баш оона 2017, 12:18
Маалыматка караганда, Кара-Ой айылынын 61 жаштагы тургуну чакан автобус менен Өзбекстандын 13 жаранын "Манас" аба майданына алып бара жаткан.
Ал Балыкчы — Ананьево — Каракол унаа жолунун 17-чакырымында 67 жаштагы Бишкек тургуну башкарып келе жаткан Mazda Premacy унаасы менен кагышкан.
Сламаттыкты сактоо министрлигинин маалымат кызматынан билдиришкендей, бул кырсыктан төрт чоң киши жана алты өспүрүм жабыр тартты.
Учурда алардын абалы туруктуу. Дарыгерлер жабырлануучулардын арасында мээси чайкалгандар жана сөөгү сынгандар бар экенин билдирген.
