Тилекке каршы, жаратылыштагы айрым эс алуулар адамдар жабыр таркан жагымсыз окуялар менен аяктайт.
Sputnik Кыргызстан агенттиги бул жолу тоолуу аймактарда кулап кетип, ар кандай жаракат алган адамга кантип алгачкы жардамды көрсөтүү керектигин билип көрдү.
Жабырлануучуга жардам көрсөтүү боюнча кеңештерди даярдоого Кызыл Ай жана Кызыл чырым коомунун адистери жардам берди.
Сунуштар:
- Өз алдыбызча сөөктү ордуна келтирүүгө аракет кылбашыбыз керек. Анткени ал жерде тарамыштар чоюлдубу, сөөк сындыбы же чыгып кеттиби, так билбейбиз.
- Бир жери катуу ооруп жатса ордунан козгобой эле койгон жакшы.
- Эгер кан жалаган жаракаты болсо, баягы элдик ыкманы колдонуп, бака жалбырак саяктуу нерселерди басуунун пайдасы тийбейт.
- Кээ бир учурда Тез жардам бат келе албай турган аймактар болот. Бирок кандай болгон күндө дагы медициналык жардам кызматы чакырылышы керек.
- Ал келгиче алгачкы жардам көрсөтө баштайбыз. Сынган же чыккан сөөк жылып кетпеш үчүн шакшактап коебуз. Бул нерсе кийин медиктердин ишин бир топ жеңилдетет.
- Шишик чоңоюп кетпеш үчүн муздак нерсе басабыз.
- Канап жаткан жерди таңабыз.
- Тез жардам унаасы келгиче жабырлануучуга психологиялык жардам көрсөтөбүз. Аны менен сүйлөшүп, маанайын көтөрүүгө аракет кылуу керек.
Эскертүү: Жогорудагы кеңештердин кайсы бири туура эмес аткарылып же жардамы тийбей калган учурга Кызыл Ай жана Кызыл чырым коомунун адистери жана Sputnik Кыргызстан маалымат агенттиги жоопкер эмес.
