БИШКЕК, 28-июл. — Sputnik. Борбор калаада "Пассажирский транспорт. Парковка" аттуу рейд өтүүдө. Бул тууралуу шаардык милициядан билдиришти.
Маалыматка ылайык, акыркы учурда жол кырсыгы көбөйүп, жолдо жүрүү эрежеси көп бузулууда. Аталган рейд ошолордун алдын алуу жана жүргүнчү ташыган транспорттун техникалык абалын текшерүү максатында юштурулууда.
"Эки күндүн ичинде бусик жана коомдук транспорттун айдоочулары тарабынан 19 жолу эреже бузулган. Аларга карата административдик протокол түзүлгөн. Негизинен алар уруксат берилбеген жерге токтогон учурда түзүлгөн", — деп айтылат маалыматта.
Жүргүнчү ташуудагы талаптар сакталбагандыктан беш бусик айып короого токтотулган.
Коомдук транспорттун айдоочулар курамына жол эрежесин сактоо боюнча түшүндүрүү иштери жүргүзүлгөн.
