Кадыров: гречка өстүрүүнү жалпы өлкөгө жайылтуу пландалууда
Гречка өстүрүүнү жалпы өлкөгө жайылтуу пландалууда. Бул тууралуу ишкерлер ассоциациясынын вице-президенти Арстан Кадыров Sputnik Кыргызстан радиосуна маек куруп жатып билдирди.
Анын айтымында, гречка нымдуу аба ырайын жакшы көрөт.
"Негизи кыргыздар арпа, буудай айдап көнгөнбүз. Бирок акыркы убакта ал өзүн актабай калды. Ошондон улам аларга окшош кылкандуу дан эгиндерин эгүүнү ойлоп, үч жыл мурун Жумгалга гречканы септик. Учурда аны башка аймактарга жайылтуу каралууда", — деди Кадыров.
Ал учурда гречка өлкөгө Россия, Казакстандан алып келинерин, эгерде өзүбүз өндүрсөк эки эсе арзан болорун кошумчалады.
