Кадыров: гречка өстүрүп жакшы киреше тапса болот
Арпа, буудайдын ордуна гречка айдап киреше тапса жакшыраак болот. Бул тууралуу ишкерлер ассоциациясынын вице-президенти Арстан Кадыров Sputnik Кыргызстан радиосуна маек куруп жатып билдирди.
Анын айтымында, гречка өстүрүү Кыргызстанда буга чейин болгон эмес.
"Негизи кыргыздар арпа, буудай айдап көнгөнбүз. Бирок акыркы убакта ал өзүн актабай калды. Ошондон улам аларга окшош кылкандуу дан эгиндерин эгүүнү ойлоп, үч жыл мурун Жумгалга гречканы септик. Алгач өстүрүүнү билбей, жакшы бышыра албай калдык. Кийинки жылы гана түшүм мол болду", — деди Кадыров.
Ал учурда гречка өлкөгө Россия, Казакстандан алынып келинээрин, эгерде өзүбүз өндүрсөк эки эсе арзан болоорун кошумчалады.
