БИШКЕК, 14-июл. — Sputnik. Өзбекстандын президенти Шавкат Мирзиёев Олий Мажлистин депутаттары менен сенаторлорун социалдык тармактардан баракча ачууга милдеттендирди. Бул тууралуу Sputnik Өзбекстан маалымат агенттиги билдирди.
Өлкө башчысы депутаттар эмне иш кылып жатканын эл билип турушу керектигин айтып, андыктан ушундай кадамга барып жатканын түшүндүрүп берди. Мирзиёев бул иш менен алектенүүнү маалыматтык технологияны жана коммуникацияны өнүктүрүү боюнча министрге тапшырды.
Президенттин пикиринде бүгүнкү күнү Өзбекстандагы саясий партиялар берген убадаларын аткарбай жатышат. Андыктан депутаттар эмне иш кылып жатканын карапайым калк билиши керек.
