БИШКЕК, 5-июл. — Sputnik. Ден соолугу жактан мүмкүнчүлүгү чектелген жигиттер менен бир кыздан турган "Тумар" бий тобу таланттардын Алматы шаарындагы шоусуна катышат. Бул тууралуу Саламаттыкты сактоо министрлигинин маалымат катчысы топтун жетекчиси Эрмек Кадыровго таянуу менен билдирди.
Анын айтымында, аталган шоу үстүбүздөгү жылдын 13-июль күнү болот.
"Негизи бул Казакстандын улуттук шоусу. Бирок биздин Чехиядагы номерибизди жактырып калышып, катышууга чакырышты", — деп билдирген Кадыров.
Ал учурда Ысык-Көлдө мүмкүнчүлүгү чектелген балдарды эс алдырып жүргөнүн айтып, жакынкы күндөрү конкурска жөнөп кетээрин айткан.
16 Бирдин айы 2017, 13:41
"Тумар" тобу 2009-жылы түзүлгөн. Анын курамына Бишкектеги "Үмүт-Надежда" реабилитациялык борборунун тарбиялануучулары кирген. 2015-жылы Түркиянын "Минута славы" долбоорунда финалга чыккан. "Открытый Казакстан " деп аталган сынактын баш байгесине татыган. Өткөн жылы Кыргызстанда өткөн "Пара дэнс" биринчилигинде жеңүүчү аталган.
