БИШКЕК, 26-июн. — Sputnik. Кыргызстандык сууда сүзүүчүлөр дүйнө чемпионатына катышат. Бул тууралуу Жаштар иши, дене тарбия жана спорт мамлекеттик агенттигинен билдиришти.
Маалыматка ылайык, 16-июлдан 30-июлга чейин Венгриянын борбору Будапештте сууда сүзүү боюнча дүйнө биринчилиги өтөт. Мелдешке Кыргызстандын атынан Виктория Панасенко, Кирилл Вайс жана Денис Петрашов катышат.
Учурда алар Ысык-Көл жээгинде машыгууларын өткөрүүдө.
