БИШКЕК, 15-июн. — Sputnik. Казакстанда Chevrolet Niva унаасы чогултулуп сатыкка чыкканын Sputnik Казакстан "GM-АвтоВАЗ" компаниясына шилтеме жасап кабарлады.
Маалыматка ылайык, автоунаалар Костанай шаарындагы "СарыаркаАвтоПром" ишканасында "GM-АвтоВАЗ" компаниясы жиберген жабдыктардан чогултулган.
Унаалар Казакстандын 11 шаарында атайын программанын негизинде 4 пайыздык жеңилдетүү менен беш жылга насыяга берилүүдө.
"GM-Автоваз" компаниясы— бул россиялык "АвтоВАЗ" менен америкалык General Motors компаниясынын Тольятти шаарындагы ишканасы болуп саналат.
