БИШКЕК, 5-июн. — Sputnik. Бишкек — Ош унаа жолунда жол кырсыгы болуп эки адам каза болду. Бул тууралуу Өзгөчө кырдаалдар министрлиги кабарлаы.
Маалыматка ылайык, жол кырсыгы 5-июнга караган түнү Токтогул районунун Чычкан капчыгайындагы Бишкек — Ош унаа жолунун 239-чакырымында болгон. Анда ДАF үлгүсүндөгү жүк ташуучу унаа менен Mercedes-Benz Sprinter автоунаасы сүзүшүп кеткен.
Окуя болгон жерде Өзгөчө кырдаалдар министрлигинин өрт-куткаруу бөлүмүнүн куткаруучулары алгачкы медициналык жардам көрсөтүп, адамдарды унаадан чыгарышкан.
Жыйынтыгында Mercedes-Benz Sprinter унаасындагы төрт адамдын экөө каза болуп, экөө жаракат алган. Алар Токтогул райондук ооруканасына жеткирилип, көз жумгандар райондук ички иштер бөлүмүнүн кызматкерлерине өткөрүп берилген.
