БИШКЕК, 3-июн. — Sputnik. Фарид Ниязов КСДП партиясынын штабында иштей турганын Sputnik Кыргызстан агенттигине билдирди.
Ниязов бүгүн, 3-июнда Кыргызстандын президентинин кеңешчиси кызматынан өз каалоосу менен бошотулган. Анткен менен ал мамлекет башчынын коомдук башталыштагы кеңешчиси болуп дайындалды.
"Мен КСДП партиясынын штабына кеттим. Аны жетектейм", — деди Ниязов.
Белгилей кетсек, үстүбүздөгү жылдын 15-октябрында Кыргызстанда президенттик шайлоо өтөт.
КСДПнын саясий кеңеши партиянын атынан учурдагы премьер-министр Сооронбай Жээнбековдун талапкерлигин президентикке көрсөткөн.
