БИШКЕК, 2-июн. — Sputnik. Кыргызстандын курама командасы FIFA рейтингинде төрт тепкичке төмөндөп, 132-орунга чыкты.
Жаңы рейтинг бейшемби күнү чыкты. Өткөн айдагы рейтингде курама команда 128-орунда болчу.
Эң күчтүү ондук өзгөрүүсүз калды. Алдыңкы орундарды өткөн айдагыдай Бразилия, Аргентина, Германия, Чили, Колумбия, Франция, Бельгия, Португалия, Швейцария жана Испаниянын курама командалары бөлүп алды.
Айдын эң мыкты командасы деп 17 тепкичке жогорулап, 95-орунду камсыздаган Жаңы Зеландиянын командасы табылды. 13 тепкич төмөндөп, 104-орунга түшкөн Мавританиянын командасы эң начар деп аталды.
Азиянын футбол конфедерациясынын рейтингинде Кыргызстан 21-орунда турат. Улуттук курама команданын жакынкы атаандашы Индия 100-орунда турат.
Жаңы рейтинг 6-июлда чыгат.
