БИШКЕК, 30-май — Sputnik. Бишкек шаарынын мэриясы катуу жааган жаандан улам дарактар кулашы ыктымалдыгын эскертти.
Дүйшөмбү күнү ылдамдыгы секундасына 21 метрге жеткен шамал болгон. Анын айынан унааны терек басып калган факты катталган.
Мэрия айдоочуларга унааларды дарактардын алдына токтотпоо керектигин эскертет. Ошондой эле муниципалитет мындай аба ырайы учурунда авариялык кырдаал күчөгөндүктөн рулда кетип бараткандарды сак болууга чакырат.
Жарандар ар кандай суроолор менен мэриянын 185 жана 1840 тынымсыз байланыш номерлери аркылуу байланыша алат. Ал эми сүрөттөрдү 0 (554) 18-21-85 номерине жиберүүгө болот.
Мындан тышкары, муниципалитет авариялык абалдагы дарактарды көрүп калгандар анын так дарегин көрсөтүү менен сүрөтүн WhatsApp каналы аркылуу жиберүүнү өтүнөт.
- Карынбаев Аскат Асаналиевич (Ленин району) — 0 (557) 99-79-27;
- Акматбаев Таалайбек Таберикович (Октябрь району) — 0 (554) 95-55-09;
- Шарапов Руслан Эсенбекович (Биринчи Май району) — 0 (558) 33-66-40;
- Матмусаев Марат Маманович (Свердлов району) — 0 (555) 44-71-54.
