Аида Салянованын ишин Ленин райондук соту карамай болду

© Sputnik / Табылды КадырбековЖогорку Кеңештеги "Ата Мекен" фракциясынын депутаты Аида Салянованын архивдик сүрөтү
Жогорку Кеңештеги Ата Мекен фракциясынын депутаты Аида Салянованын архивдик сүрөтү - Sputnik Кыргызстан
Жазылуу
Буга чейин эл өкүлүнүн жактоочусу ишти Ленин райондук соту карашы керектигин айткан болчу.

БИШКЕК, 29-май — Sputnik. Жогорку Кеңештеги "Ата Мекен" фракциясынын депутаты Аида Саляновага карата козголгон кылмыш иши Ленин райондук сотунда карала турганын Sputnik Кыргызстан агенттигине эл өкүлүнүн жактоочусу Улан Жумаков билдирди.

Бүгүн, 29-майда Биринчи Май райондук сотунда Саляновага карата козголгон кылмыш иш боюнча сот отуруму болгон. Анда депутаттын жактоочулары ишти Биринчи Май райондук соту эмес, Ленин райондук соту карашы керектигин айтып, өтүнүч келтирген.

"Биз Юстиция министрлиги Ленин районунда жайгашканын айтып, иш ал жакта каралышы керектигин соттон өтүнгөнбүз. Сот Мирлан Термечиков өтүнүчтү канааттандырды", — деди Жумаков.

Жогорку Кеңештин депутаты Канат Исаевдин архивдик сүрөтү - Sputnik Кыргызстан
Канат Исаевге карата козголгон кылмыш ишин депутаттык комиссия иликтейт
Белгилей кетсек, 2016-жылы декабрь айында Башкы прокуратура Аида Саляновага юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон.

Ал эми Улуттук коопсуздук мамлекеттик комитет Аида Саляновага тергөө учурунда Кыргызстандан чыгууга тыюу салган.

Жаңылыктар түрмөгү
0