БИШКЕК, 18-май. — Sputnik. Жогорку Кеңештин депутаты Канат Исаевге карата козголгон кылмыш ишин депутаттык комиссия иликтейт. Бул тууралуу парламенттин маалымат кызматы кабарлады.
Билдирүүгө ылайык, 18-майда парламенттин отурумунда "Кыргызстан" фракциясынын демилгеси менен убактылуу комиссия түзүлдү. Алты фракциянын 12 депутаты кирген комиссия депутат Канат Исаевге карата козголгон кылмыш иши боюнча маселени изилдешет.
Эске сала кетсек, Улуттук коопсуздук мамлекеттик комитети Исаев Токмоктун мэри болуп турганда муниципалдык жер участогун жеке компанияга соода борборун куруу үчүн берген деген айып менен "коррупция" беренеси боюнча кылмыш ишин козгоп, өлкөдөн чыгууга тыюу салган.
