Чүй: билимин акчага соодалаган жаран бирөөнүн паспорту менен тест тапшырган

CC BY-SA 2.0 / timlewisnm / no more tests 05.30.09 [150]Выпускник, набравший высший балл по ОРТ: это было неожиданно
Выпускник, набравший высший балл по ОРТ: это было неожиданно - Sputnik Кыргызстан
Жазылуу
Тергөө учурунда 21 жаштагы жаранга Нургүл аттуу таанышы 400 доллар үчүн тесттен өтүүгө көмөктөшүүнү убада кылганы аныкталган.

БИШКЕК, 29-май — Sputnik. Чүйдүн Лебединовка айылында башка адамдын паспорту менен жалпы республикалык тестирлөөгө катышкан жаран кармалды. Бул тууралуу Чүй облустук ички иштер башкармалыгынан билдиришти.

Абактагы аял. Архив - Sputnik Кыргызстан
Кино биякта калсын! Өзүн-өзү барымтага алган кыргыз кыз эжесинен 1 млн. талап кылган
Малыматка ылайык, үстүбүздөгү жылдын 19-май күнү Лебединовка айылындагы гимназияда 20 жаштагы жаран 21 жаштагы жарандын паспорту менен тест тапшырган. Аталган факты боюнча Кылмыш жаза кодексинин 350-беренеси (документтерди жасалмалоо) менен кылмыш иши козголду.

Тергөө учурунда Нургүл аттуу аял 21 жаштагы жаранга тесттен өтүүгө жардам берем деп убада кылган. Ал бул кызматы үчүн 400 доллар сурап, 17 миң сомун алганы аныкталган.

"44 жаштагы Нургүл убадасын аткаруу үчүн Медер аттуу таанышына кайрылып ал аркылуу 20 жаштагы баланы табат. Кийин ал баланы 21 жаштагы жарандын паспорту менен тест тапшырууга киргизишкен", — деп жазылат маалыматта.

Учурда Нургүл менен Медер убактылуу кармоочу жайына киргизилип, тергөө иштери уланууда.

Жаңылыктар түрмөгү
0