Шевченко менен Нуньестин кыл чайнашар күнү белгилүү болду

© AP Photo / Eric JamisonБой Валентины Шевченко с Амандой Нуньес
Бой Валентины Шевченко с Амандой Нуньес - Sputnik Кыргызстан
Жазылуу
Шевченко менен Нуньестин беттешүүсү UFC 213 мелдешинде негизги таймаш болуп эсептелет.

БИШКЕК, 13-май — Sputnik. Валентина Шевченко менен Аманда Нуньестин көптөн күттүргөн UFC 213 мелдешинин алкагындагы реванштык таймашы 8-июль күнү АКШнын Лас-Вегас шаарында өтө турганы белгилүү болду. Бул тууралуу Далласта өткөн UFC маалымат жыйында маалымдалды.

Эки кыздын беттешүүсү UFC 213 мелдешинде негизги таймаш болуп эсептелет.

71 килограммга чейин салмак категориясында ат салышкан балбан Нургазы Асангулов беттеш учурунда - Sputnik Кыргызстан
Азия чемпионатынан дагы бир медаль. Нургазы Асангуловдун жеңиши видеодо
Булардын мушташа турганын мурдараак Британия жана Американын ЖМКлары жазышкан. Ал эми Нуньес өзүнүн Twitter баракчасында Шевченко менен кыл чайнаша турганын кыйытып айтып келген.

Былтыркы жылдын март айында Нуньес менен Шевченко UFC 196 мелдешинде рингге чыгып, утушка бразилиялык спортчу жетишкен.

Андан соң Нуньес Миша Тейт жана Ронда Роузи аттуу спортчулар менен рингге чыгып, экөөнү тең беш мүнөткө жеткирбей утуп алган.

Ал эми Пуля каймана аты менен көптөрдүн жүрөк үшүн алган Валентина Шевченко өткөргөн эки мелдешинин биринде жеңилүүгө дуушар болгон. Алгач экс-чемпион Холли Холмду упай менен жеңип, кийин Жулианна Пеньядан утулуп калган.

Жаңылыктар түрмөгү
0