БИШКЕК, 13-май — Sputnik. Президент Алмазбек Атамбаев мамлекеттик лотереялардын башкасынын баарына тыюу салган мыйзамга кол койду. Бул туурасында мамлекет башчынын маалымат кызматы кабарлады.
Жогорку Кеңеш аталган мыйзамды 30-мартта кабыл алган.
Кыргызстанда лотерея ойноткон 36 компания болгону менен алардан түшкөн салык анча деле көп эмес. Бул туурасында бир нече убакыт мурда мамлекеттик финансы көзөмөлү боюнча кызматы билдирген эле.
"Жаңы мыйзамдын чыгышы менен буга чейин лотерея ойнотууга берилген лицензиялар өзүнүн күчүн жоготот", — деп айтылат маалыматта.
Документ жарыялангандан 30 күн өткөндөн кийин күчүнө кирет.
