БИШКЕК, 13-май — Sputnik. Кыргызстанда жакынкы күндөрү аба ырайы начарлап, күн сууктай турганын ӨКМ билдирди.
Маалыматка ылайык, айрым учурда шамалдын ылдамдыгы секундасына 22 метрге чейин жетери болжолдонуп жатат. 16-майдан 19- майга чейин аба ырайы туруксуз болуп, жаан-чачын көбөйүп, тоолуу аймактарда кар жаай турганы айтылды. Өзгөчө 17-18-май күндөрү жаан-чачын катуу жаап, бир топ суук болот.
Мындай аба ырайы элетте мал жаюуга тоскоолдук жаратып, ал эми транспорт жана байланыш ишканаларынын ишин бир топ кыйындатат.
