БИШКЕК, 4-май. — Sputnik. Жаш режиссер Болсунбек Таалайбек уулунун кыска метраждуу "Олжо" тасмасы Шотландияда өтүүчү XpoNorth Creative Inducrties Festival фестивалына чакырылгандыгын Кинематографты колдоо фондусунан билдиришти.
Иш-чара ушул жылдын 7-8-июнунда өтөт.
Тасмада эки башка маданияттын өкүлдөрүнүн капысынан кезигип калгандагы окуясы баяндалат.
XpoNorth Creative Inducrties Festival – Шотландияда өзүнө кино, телеиндустрия, дизайн жана басылма жаатын камтыган алдыңкы фестивалдардын бири. Бул иш-чарага катышкандарга чет өлкөлүк кесиптештер менен чыгармачыл мамиле түзүүгө, пикир жана идея алмашууга эң сонун шарттар түзүлөт.
Болсунбек Таалайбек уулу учурда "Айтыш-фильм" киностудиясында эмгектенет. Анын "Олжо" тасмамы буга чейин бир катар ата мекендик фестивалдарга катышып, баш бейгелерди жеңген.
