Ош облусунун Өзгөн районундагы Зергер айыл аймагынын Аюу айылында жер көчкү жүрүп, 24 кишини басып калган. Аларды куткаруу үчүн учурда 100 куткаруучу тартылганын ӨКМ билдирди.
29-апрелде эртең менен көлөмү 1 миллион кубометрди болгон жер көчкү жүрүп, жети турак-жайды жашоочулары менен басып калган.
Учурда кырсык болгон жерде Өзгөчө кырдаалдар министри, генерал-майор Кубатбек Боронов башчылыгында издөө иштерин жүрүүдө. Андан сырткары тийиштүү органдардын башчылары дагы жер көчкү жүргөн аймакка чыгып кетишкен.
Кошумча издөө иштери жүргүзү үчүн дагы 34 куткаруучу чыгып кетти.
