БИШКЕК, 26-апр. — Sputnik. Борбор калаанын жибек Жолу проспектиси менен Лермонтов көчөсүнүн кесилишинде Mercedes-Benz Sprinter үлгүсүндөгү микроавтобус күйүп кеткенин Sputnik Кыргызстан агенттигине ӨКМден билдиришти.
© © видео очевидца Бакыбаева Абдимажита, отправленное по Whats App-каналу
Өрт чыкканы тууралуу маалымат "101" кызматына болжол менен 17.00дөр чамасында түшкөн. Бир мүнөттөн кийин окуя болгон жерге өрт өчүрүүчү унаа чыгып кеткен.
"Микроавтобус өрт өчүрүүчүлөр келгенге чейин эле өрттөнүп кетиптир. Алдын ала маалымат боюнча кырсыкка автоунаанын ичиндеги электр зымдарынын биригип калышы себеп болгон", — деп айтылат билдирүүдө.
Жабыркагандар катталган жок.
