БИШКЕК, 20-апр. — Sputnik. "Массалык маалымат каражаттары жөнүндө" мыйзам долбоору үчүнчү окууда жактырылды.
Белгилей кетсек, мыйзам долбоору кечээ күнү үчүнчү окууда каралган.
Бул мыйзам долбоордун демилгечиси депутат Кожобек Рыспаевдин сөзү боюнча телеканалдарга ээлик кылган чет элдиктердин үлүшү 35 пайыз, кыргыз жарандарынын үлүшү 65 пайыз болушу керек.
Президент кол койгондон тартып ЖМК уюштуруучуларынын курамын өзгөртүүгө бир жыл убакыт берилет. Эгерде бир жыл ичинде жаңы өзгөртүүлөргө ылайык, үлүштөр бөлүштүрүлбөсө соттун чечими менен ЖМК жоюлушу мүмкүн.
