БИШКЕК, 19-апр. — Sputnik. "Массалык маалымат каражаттары жөнүндө" мыйзам долбоору үчүнчү окууда добуш берүүгө жөнөтүлдү.
Аталган маселе парламенттин күн тартибинде биринчи болуп каралып, "Бир Бол" фракциясынын депутаты Акылбек Жапаров айрым гезиттерди сотко берүүгө камынып жатканын айтты.
"Айрым гезиттер чектен ашып бара жатат. Урматтуу президенттин жолун жолдоп, мен дагы аларды сотко берейин деп жатам", — деди Жапаров.
Бул мыйзам долбоордун демилгечиси депутат Кожобек Рыспаевдин сөзү боюнча телеканалдарга ээлик кылган чет элдиктердин үлүшү 35 пайыз, кыргыз жарандарынын үлүшү 65 пайыз болушу керек.
