Ахматов:Техникалык регламентте ишкерлер стандартты өздөрү тандайт
Техникалык регламентте ишкерлер стандартты өздөрү тандайт. Бул тууралуу Sputnik Кыргызстан агенттигине Экономика министрлигинин техникалык жөнгө салуу жана метрология бөлүмүнүн башчысы Султан Ахматов билдирди.
Эске сала кетсек, үстүбүздөгү жылдын август айынан тарта ЕАЭБдин 18 техникалык регламенти күчүнө кирет.
"Кыргызстан 2015-жылдан бери ЕАЭБге мүчө. Анын талабына ылайык, техникалык регламенттерди колдонуу керек. Атайын чечим менен 2017-жылдын 12-августунда 18 техникалык регламент күчүнө кирет. Анда ишкерлер кайсыл стандарт менен иштөөнү өзү тандайт. Бирок, андагы талаптарды аткаруусу шарт", — деди ал.
Ахматов регламенттеги талаптар боюнча ишкерлерге жана жарандарга түшүндүрүү иштери жүрүп жаткандыгын кошумчалады.
