БИШКЕК, 11-апр. — Sputnik. Чыңгыз Айтматов атындагы Кино үйүндө студенттерге таандык "Багетсиз портрет" деп аталган даректүү тасманын бет ачары өтө турганын Кинематографты колдоо фондусу билдирди.
Маалыматка ылайык, иш-чара бүгүн саат 16.00гө белгиленген.
"Тасма Б.Бейшеналиева атындагы кыргыз мамлекеттик маданият жана искусство университетинин студенттерине таандык. Анда фотограф Аскар Абдыгуловдун кесип, бүгүнкү жашоо жана өз турмушу тууралуу ой толгоосу чагылдырылат", — деп айтылат билдирүүдө.
43 мүнөттүк фильмди төрт жигит жана бир кыздан турган "Төрт тентек жана бир чүрөк" деп аталган чыгармачыл топ тарткан. Студенттер Шамил Жапаровдун мастерскоюнан билим алып келишет.
