БИШКЕК, 4-апр. — Sputnik. Пакистандын бийлиги өлкөнүн Пенджаб провинциясындагы чикрөөнүн кызматкерин терроризм жана сыйынуу үчүн келген 20 кишини өлтүргөн деп айыптап жатат. Бул тууралуу Франс Пресс маалымат агенттиги билдирди.
Маалыматка ылайык, чиркөөнүн кызматкери Абдул Вахид сыйынуучуларды телефон менен чакырып, чиркөөнүн бөлмөлөрүнүн бирине киргизген. Аларга маңзат кошулган тамактарды берип, алар эсин жоготкондон кийин чечинтип таяк менен сабап, канжар менен да сайган. Аталган окуя тирүү калган үч аял аларды өлтүрүүгө аракеттер болгонун айтып бергенден кийин белгилүү болгон. Полиция Вахидди жана анын жардамчылары болушу мүмкүн деген эки кишини кармады.
Чиркөөнүн ичинен 20 кишинин сөөгү табылган. Полициянын маалыматы боюнча Вахид жасагандарын мойнуна алып, мындай аракетке өз өмүрүнөн корккону үчүн барганын айткан.
