БИШКЕК, 4-апр. — Sputnik. Россиянын бала төрөгөн студенттери бюджеттик окуу формасына которула алышат. Бул тууралуу Россиянын билим берүү министри Ольга Васильевага шилтеме берип РИА Новости жазып чыкты.
Буга чейин ведомство кош бойлуу студенттерди өзгөчө категорияга киргизип, бекер билим алууга шарт түзүү боюнча долбоорду жарыялаган.
"Келерки окуу жылына карата бул долбоор иштей баштайт деп ойлойм", — деди Васильева.
Ал ошондой эле коомдук талкуудан кийин документ Юстиция министрлигине жиберилерин билдирди. Норма кабыл алынса, ал жарыяланган күндөн 10 күн өткөндөн кийин күчүнө кирет.
Министр мындай иштер жаш энелер бала төрөгөндөн кийин окуусун улантууга шарт түзүү үчүн жасалып жатканын кошумчалады.
