БИШКЕК, 1-апр. — Sputnik. Франциялык нейрофизиологдор адамдагы айрым адаттар жугуштуу экендигин аныктап чыгышты. Бул тууралуу РИА Новости PLoS Computational Biology журналына таянып билдирди.
Маалыматка ылайык, Париждеги баш мээ жана жүлүн институтунун оукумуштуулары Мари Девэн жана Жан Донизо атайын изилдөө өткөрүшкөн. Ага 12 адамдан турган беш топ катышып, аларга экономикалык оюндарды компьютерде ойнотушкан. Эксперимент башталар алдында бөлүнгөн тайпаларга аларга чейинки оюнчулардын аракеттери тааныштырылган. Чындыгында ал жыйынтыктар адамдарга эмес, жасалма интеллектиге таандык болгон.
Оюн тартиби жөнөкөй экени айтылат. Катышуучулар баасы менен экранга чыккан эки товардан көбүрөөк киреше табууга мүмкүн болгон сүрөттү тандоосу зарыл болгон. Эксперименттин арты менен изилдөөчүлөр буга чейин көрсөтүлгөн оюндун таасир эткендигин аныктоону көздөшкөн. Жыйынтыгында жасалма интеллектинин оюнчуларга тассир эткени байкалган.
