БИШКЕК, 8-мар. — Sputnik. Окумуштуулардын тобу кайсы түстөгү автоунаалар адам өмүрүн алган жол кырсыктарына көп кабыларын аныкташты.
Жүргүзүлгөн изилдөөнүн жыйынтыгын илимпоздор Proceedings of the National Academy of Sciences журналына жарыялашкан.
Окумуштуулар Сингапурдун көчөлөрүндөгү таксилерге үч жыл бою көзөмөл жүргүзүп, жол кырсыктарынын статистикалык маалыматтарын чогултушкан. Бул мезгил аралыгында алар 16 миңден ашык түстөгү машиналардын өңдөрүн изилдешкен.
Изилдөөнүн жыйынтыгында көк түстөгү автоунаалар жол кырсыгына көп кабылары аныкталган жана алардын сары түстөгү автоунаалар караганда түрдүү кырсыктарга кабылуу ыктымалдуулугу тогуз пайызга көп. Окумуштуулар көк түстөгү автоунаалардын кырсыктарга кабылуусун алыстан жакшы көрүнбөй калгандыгы менен түшүндүрүшүүдө.
Илимпоздор алардын изилдөөлөрү машина чыгаруучулар менен такси кызматтарына пайдалуу болот деп үмүттөнүшүүдө.
