БИШКЕК, 30-мар. — Sputnik. Казакстандын Атырау облусунда болгон катуу шамал айрым көп кабаттуу үйлөрдүн чатырын учуруп, терезелерин сындырып кеткенин Sputnik Казакстан агенттиги "Акжайык" басылмасына шилтеме менен жазды.
Синоптиктердин маалыматына караганда, шамалдын ылдамдыгы секундуна 22 метрге жеткен.
Ал эми Өзгөчө кырдаалдар департаменинин билдирүүсүндө 29-март күнү болгон шамал Индер районунда бир имараттын чатырын учуруп, Исатай районундагы мектепке зыян келтиргени айтылат.
Атырауда Смагулов көчөсүндөгү үйдүн чатыры учуп, бир нече бак кулаган.
