БИШКЕК, 30-мар. — Sputnik. №1 тергөө абагынын жетекчи орун басарын пара алып жаткан жеринен УКМКнын кызматкерлери кармады. Бул тууралуу атайын кызмат билдирди.
Маалыматка ылайык, окуя 29-мартта болгон.
"Ал №1 тергөө абагына азык-түлүк жеткирүү боюнча тендердин жүрүшүндө катышууга жардам берем деп 87 миң сом алып жатканда кармалды", — деп айтылат маалыматта.
Аталган фактынын негизинде прокуратура тарабынан Кылмыш жаза кодексинин 313-беренесинин 2-бөлүгү (пара талап кылуу) боюнча кылмыш иши козголуп, кармалган жаран УКМКнын убактылуу кармоо жайына киргизилди. Тергөө амалдары жүрүүдө.
