БИШКЕК, 27-мар. — Sputnik. Милициянын подполковниги Таирбек Уларовдун өлүмүнө шектүү жаран аны аялын кызганып өлтүрүп койгонун мойнуна алды. Бул тууралуу Ош шаардык ИИБдин басма соз катчысы Замир Сыдыков аймактык кабарчыга билдирди.
![Милициянын подполковниги Таирбек Уларовдун өлүмүнө шектүү жаран аны аялын кызганып өлтүрүп койгонун мойнуна алды. Милициянын подполковниги Таирбек Уларовдун өлүмүнө шектүү жаран аны аялын кызганып өлтүрүп койгонун мойнуна алды. - Sputnik Кыргызстан](https://sputnik.kg/img/103255/73/1032557378_0:97:800:600_600x0_80_0_0_24597ca83f2bed22db7dfe567b55df3e.jpg)
![Мурда маалымдагандай, бул кылмышка шектүү катары төрт адам кармалган. Мурда маалымдагандай, бул кылмышка шектүү катары төрт адам кармалган. - Sputnik Кыргызстан](https://sputnik.kg/img/103255/73/1032557384_0:97:799:600_600x0_80_0_0_29ccee5b9a6a0e1757f94f89adde8b17.jpg)
Мурда маалымдагандай, бул кылмышка шектүү катары төрт адам кармалган. Алардын ичинен Ош шаарынын 45 жаштагы тургуну оор кылмышка негизги шектүү киши катары кармалып, учурда Ош шаардык ички иштер башкармалыгынын убактылуу кармоочу жайына киргизилди. Ал өз көрсөтмөсүндө бул кылмышка кызганычтан улам барганын айтып, адвокатынын катышуусу менен жүргүзүлгѳн суракта күнөөсүн моюнуна алган.
Анын көрсөтмөсүнө ылайык, маркум Умаров анын аялы иштеген дүкөнгө көп келип турган кардарынан болгон. Ал эми милиционердин иштеген мекемеси жакын жерде жайгашкан.
![Убийство подполковника Таирбека Уларова в Оше Убийство подполковника Таирбека Уларова в Оше - Sputnik Кыргызстан](https://sputnik.kg/img/103255/78/1032557844_0:0:720:960_600x0_80_0_0_b777009baa8c38ea2303229646fb72bb.jpg)
Шектүү жаран 21-март күнү сүмөлөк кайнатылып, коңшулар менен отурганынын айткан.
"Анан аялымдын телефонуна Таирбек чалып, аны чакырды. "Эмне үчүн чакырып жатат?" деп сурасам, аялым "карызын берет экен" деди. Артынан 20 минутадан кийин барсам, экөө сүйлѳшүп турушуптур. Мен азыраак ичимдик ичкен элем. Таирбек кызуу болчу. Экөөбүз айтышып кеттик. Анан ал "эркекче сүйлөшөлү" деди. Экөөбүз Учар тарапка, канал боюна бардык. Ал дагы намысыма тийген ачуу сөздөрдү айтты. Мен өзүмдү токтото албай аны колумдагы балдак менен, андан соң таш менен башка чаап жибердим. Футбол ойноп, бутумду кокустатып алгандыктан, убактылуу балдак таянып жүргөм", — деди күбө.
Анан айтымында, маркум жыгылгандан кийин сөгүнүп жаткан.
Маалым болгондой, кылмышка шектүү адам маркумдун оор жаратына карабастан жардам көрсөтүүгө ашыккан эмес. Ал 2008-жылы соттолгондугу жана Бишкек шаардык ички иштер башкы башкармалыгы тарабынан издөөдө жүргѳндүгү аныкталды. Эч жерде иштебейт.