БИШКЕК, 26-фев. — Sputnik. "Ата Мекен" фракциясынын төрагасы Өмүрбек Текебаевге кылмыш иши "ушак жана жалган маалыматтын" негизинде козголду. Бул тууралуу аталган фракциянын депутаты Каныбек Иманалиев Sputnik Кыргызстан агенттигинин кабарчысына билдирди.
Буга чейин, эл өкүлүнө карата "коррупция" жана "алдамчылык" деген беренелер менен кылмыш иши козголгондугу тууралуу маалымдалган.
Арызда Маевский Текебаев 2010-жылы Убактылуу өкмөттүн төрага орун басары болуп турганда ага MegaCom компаниясын алууга жардам берем деп андан бир миллион доллар алганы айтылган.
Жекшемби күнү түнкү саат үчтөр чамасында Текебаев Венадагы иш сапарынан кайтып келгенден кийин "Манас" аэропортунан кармалып, УКМКнын убактылуу кармоочу жайына киргизилген.
Белгилей кетсек, эл өкүлү 48 саатка камалды.
