БИШКЕК, 24-фев. — Sputnik. Бишкекте окуучулардын шаардык олимпиадасынын III этабы 27-28-февралда өтөрүн мэриядан билдиришти.
Олимпиада Исхак Раззаков атындагы техникалык университетте (математика, физика, химия, информатика сабактары), №13 мектеп гимназияда (гуманитардык сабактар) өтүп, ага 327 окуучу катышат.
Олимпиадага шаардагы университеттердин мугалимдери калыстык кылып, суроолор Билим берүү жана илим министрлиги тарабынан даярдалат.
Катышуучуларды каттоо саат 8:00дө башталып, олимпиада саат 9:00дөн тарта өтөт.
