БИШКЕК, 19-фев — Sputnik. Афганистандын түндүгүндө сууктан бир суткада 14 адам тоңуп өлдү. Бул тууралында РИА Новости Синьхуа агенттигине шилтеме кылып жазды.
"Жаузжан провинциясында кой кайтарган беш киши кар катуу жаагандыктан жана сууктан улам тоңуп калган", — деп билдирген округдун губернатору Рахматуллах Хашар.
Өлкөнүн жаратылыш кырсыктары боюнча башкармалыгынын башчысы Азиз Рахман Аимак коңшу Сари-Пул деп аталган коңшу провинциядагы жаратылыш каатчылыгынан дагы беш киши каза тапкандыгын айтты.
Ал эми Бадахшан провинциясында суук дагы төрт адамдын өмүрүн алгандыгы, алардын арасында кичинекей балдардын бар экендиги айтылууда.
