БИШКЕК, 17-фев. — Sputnik. Кыргыз өкмөтүнүн Нарын облусундагы ыйгарым укуктуу өкүлү Аманбай Кайыповдун жетекчилиги астында жаз айларында күтүлүүчү сел каптоо, суу ташкындарына даярдануу максатында Жарандык коргонуу боюнча пландан тышкаркы атайын машыгуу өттү. Бул тууралуу өкүлчүлүктүн маалымат катчысы Айнура Дүйшөк кызы билдирди.
![Кыргыз өкмөтүнүн Нарын облусундагы ыйгарым укуктуу өкүлү Аманбай Кайыповдун жетекчилиги астында жаз айларында күтүлүүчү сел каптоо, суу ташкындарына даярдануу максатында Жарандык коргонуу боюнча пландан тышкаркы атайын машыгуу өттү Кыргыз өкмөтүнүн Нарын облусундагы ыйгарым укуктуу өкүлү Аманбай Кайыповдун жетекчилиги астында жаз айларында күтүлүүчү сел каптоо, суу ташкындарына даярдануу максатында Жарандык коргонуу боюнча пландан тышкаркы атайын машыгуу өттү - Sputnik Кыргызстан](https://sputnik.kg/img/103179/56/1031795685_0:73:1920:1280_600x0_80_0_0_52f9189f07483cd899384a5ab5b525c4.jpg)
![Машыгууга Нарын облусундагы Жарандык коргонуу комиссиялары, көчүрүү комиссиялары, кызматтар, чарба объектилери жана айыл аймактар тартылды Машыгууга Нарын облусундагы Жарандык коргонуу комиссиялары, көчүрүү комиссиялары, кызматтар, чарба объектилери жана айыл аймактар тартылды - Sputnik Кыргызстан](https://sputnik.kg/img/103179/57/1031795794_0:20:1920:1227_600x0_80_0_0_9f17e8f00d91da7d9350e98812443999.jpg)
![Машыгуунун негизги максаты Жарандык коргонуунун башкаруу курамына тез кабар берүү схемасын практикалык түрдө текшерүү, кызматтарды өзгөчө кырдаалдарга карата даярдыкка келтирүү планынын реалдуулугун текшерүү жана тактоо болуп саналат. Машыгуунун негизги максаты Жарандык коргонуунун башкаруу курамына тез кабар берүү схемасын практикалык түрдө текшерүү, кызматтарды өзгөчө кырдаалдарга карата даярдыкка келтирүү планынын реалдуулугун текшерүү жана тактоо болуп саналат. - Sputnik Кыргызстан](https://sputnik.kg/img/103179/56/1031795628_0:0:1920:1206_600x0_80_0_0_a77e4a6640c4a1788cc4479958956b18.jpg)
Машыгууга Нарын облусундагы Жарандык коргонуу комиссиялары, көчүрүү комиссиялары, кызматтар, чарба объектилери жана айыл аймактар тартылды.
Быйылкы жылдын январь-февраль айларында облус аймагында жааган кардын калыңдыгы 80-90 сантиметрге жетип, тоолордо жана кыштоолордо 1 метрден ашып, көп жылдык норманын чегинен жогору болууда. Кыргыз гидрометеорологиялык агенттигинин берген божомолу боюнча февраль айынын үчүнчү декадасында жана март айында калың кар жаашы күтүлүп жатат. Мындан улам аймакта жаз айларында сел каптоолор, суу ташкындары жана өзгөчө кырдаалдар болуусу мүмкүн.