БИШКЕК, 10-фев. — Sputnik. Бишкектин чок ортосунда баланы белгисиз адамдар сабагандыгы тууралуу иш Улуттук коопсуздук кызматына берилгенин Бишкек ШИИБдин маалымат кызматынан билдиришти.
29-январь күнү Бишкектин Токтогул көчөсү менен Манас проспектисинин кесилишинде 21 жаштагы баланы эки адам сабаган. Жабырлануучу оор абалда ооруканага жеткирилген.
"Иликтөө иштери болуп жаткан учурда шектелүүөр тергөө абагында болот. Бул жерде ички иштер органдарынын кызматкерлери мыйзам бузгандыгы үчүн ишти УКМК карап жатат", — деп айтылат билдирүүдө.
Мурдараак иштин бети ачылгандыгын билдиришкен.
Окуя болгондон кийин экөө тең укук коргоо органдарынан четтетилген.
Мурда бул иш боюнча Чүй облусунун Аламүдүн районунун милиция кызматкерлери кармалып, кайра бошотулган. Бишкек ШИИБинин маалымат кымчысы Олжобай Казабаев аларды жаңылышып кармап алышканын билдирген.
